حسام جنيد يقرر الاعتزال بسبب رجل أعمال

 

نشر عبر صفحته على الفيس بوك موجهاً كلامه لمتابعيه قائلاً:

حبايب قلبي وجمهوري الغالي والحبيب ولكل حدى دعم وساند حسام جنيد بكل هالسنين الي تعبتو معي فيها بسبب الظروف القاسية الي كنت عم امرق فيها، إن شاء الله رح تكون هي اخر سنة الي بالفن، لأنه عندي التزامات مع متعهدين حفلات وأعراس وسفر والتزامات بالأغاني مع ملحنين وشعراء، يعني كل شي عندي أغاني رح تسمعوها هي السنة، كل أسبوع أغنية، رح بتقولوا ليش؟؟.

لأنه في رجل أعمال سوري عنده نفوذ بكل العالم عم يرعب المتعهدين، وصاحبين المصلحة انو مايشغلوني ولا يتعاطو معي، ليش لأنه هوي بيخوف، وحاولت ابعتلو أخبار لاعرف ليش من كل الجهات عم يحاربني ما اتجاوب. شو السبب؟...

ومتعهدين الحفلات بلبنان والي معتبرين حالنا واحد كمان شانين حرب كبيرة على حسام جنيد لحتى يبيضو وجه.

ولحتى اشتغل جوا لازم اتسب وارقص وغني أغاني مو ظابطة أبداً.. حاولت بس ماقدرت صوتي وفني أكبر منون بكتير، لهيك رح اعتزل بكرامتي أحسن.

أنا بحترم كل الفنانين ولابعمري أذيت حدا، وأنتو رح تكتشفوا الأصوات السنة الجاي، لأنو مابقا حدا غبي.

الأغاني الخاصة فيني جاهزة ورح تنزل على قناتي عبر اليوتيوب كل أسبوع اغنية، وطبعاً قناتي رح بتضل موجودة، ورح ينزل عليها أغاني وتسمعوا الصح لآخر السنة، ورح أعمل الحفلات الي ملتزم فيها كرمال ماحدا يزعل مني، وأمانة الله اذكروني بالخير، وإن شاء الله الأغاني الي رح تنزل بتعجبكم.. أخوكم الصغير حسام جنيد بحبكم من كل قلبي.